بسم الله الرحمن الرحيم
اخوانى فى الله اعضاء المدونة
كلنا كموزعين نت بيطرأ علينا عميل يطلب مننا يوزر يفتح بيه كل اجهزته من لاب توب لكمبيوتر مكتب لتابلت لموبايل الخ
دا غير ان فى كافيهات بتطلب مننا يوزر تشتغل عليه لكل الزباين لكشه واحده
طبعا الموضوع بيكون صعب الا لو تم بشكل يدوى
يعنى وقتها بنضطر نعمل للعميل دا مجموعه ايبيهات فى الليزس ثابته لأجهزته ونعمل للمجموعه دى سرعه فى الكيو سيمبل مع بعضها
ولو عطينا للعميل دا يوزر مفتوح ليه عدد دخول وليكن 5 وقتها سرعه اليوزر بتكون لكل ايبى لواحده
طيب ايه الحل
كلنا فكرنا فى اكسس برودباند وسرعه واحده ليهم ونريح دماغنا
لكن كتير بيعتبر الأمر مكلف جدا وبيكنسل الموضوع بسبب التكلفه
النهارده الموضوع مجانى وبسيط جدا ومش عاوز اقولك اخد منى وقت قد ايه لعمله لكن بفائده كبيره ان شاء الله
هاقول الفكره بالبلدى
عميل اسمه محمود واخد بروفايل بسرعه 512 كيلو وعاوز يشغل بيه 15 جهاز واكيد بنفس السرعه دى لكن تقسم عليهم
بدايه هتعمل بروفايل اسمه list
وهيكون بالشكل دا
طبعا خانه shared user بيكون فيها العدد المسموح ليه للعميل انه يشتغل بيه زى ما تحب تعملها ليه اعملها
طيب هنحدد للعميل دا سرعه ازاى؟؟
هتدخل على اليوزر نفسه وفى خانه comment هتكتب السرعه اللى تحبها زى الصوره دى
واكيد هتختار البروفايل بتاعه list زى ما اتفقنا
طيب ايه اللى هيتم يا عمنا؟؟
اقولك يا سيدى
الأول خد الكود دا واعمل بيه سكيدوال كل 10 دقايق
limit one user
بيعمل ايه الاسكربت دا؟؟
الاسكربت بيفحص بروفايلات العملاء ولو لقى البروفايل اسمه list بيدخل اوتوماتيك على الاكتف ويشوفه فاتح ولا لاء لو فاتح بياخد الايبى بتاعه وبيعمل بيه ادرس ليست باسم اليوزر ولو شغال باكتر من ايبي ياخد كل الايبيهات فى نفس الادرس ليست دى وبعدها بيروح يعلم الادرس ليست دى من خلال المانجل بباكت مارك
واوتوماتيك يروح على الكيو سيمبل يضيف الباكت مارك دى بالسرعه اللى محددينها فى اليوزر نفسه
صوره تثبت كلامى
وبالتوفيق ان شاء الله
الشرح منقول عن الاخ الكريم
mahmoud_aboeldahab
ليست هناك تعليقات:
إرسال تعليق