سكربت لتقسيم سرعه التحميل بالتساوى على العملاء الاكتف التى تحمل فقط

بسم الله الرحمن الرحيم

طبعا كلنا نفسنا نرتاح من هم الشبكه ومتاعبها وشكاوى الناس طول الوقت النت بطئ النت ضعيف ونيجى نشوف تلاقيه بيحمل خمسين ملف فوق بعض وعاوز يدخل مواقع كمان طب ازاى

وقتها فكرنا اننا نحدد امتدادات التحميل ونعطيها سرعه ونسيب التصفح مفتوح بس ساعتها كنا بنواجه مشكله ان اللى بيحمل الاول بيكسب وبيأثر على الباقى فكرنا فى طريقه اننا نخلى لكل عميل سرعه وبالفعل حددنا امتدادات لكل عميل واصبح ليه سرعته الخاصه لكن لو سرعتنا مثلا 4 ميجا وقسمناها بالشكل دا على كل عميل لواحده مش هنلاقى نتصفح برضه وتبقى نفس المشكله

النهارده استاذ احمد عمل استفسار فى موضوع تقسيم السرعه بالتساوى على الاكتف وكان سؤاله ان الاكتف كلهم ولا اللى بيحملوا بس

بصراحه عجبنى الفكره اننا نخلى اللى بيحملوا بس تتقسم عليهم سرعه التحميل والباقى يتصفح زى ما هوا عاوز

ومن وقت الرد لحد الان كنت بحاول اعمل دا لحد ما ربنا وفقنى بفضل الله وعملت كود ذكى جدا جدا


الكود بيدخل الاكتف ويسحب كميه التحميل المسحوبه وبعدها يستنى دقيقه كامله ويرجع يسحب الكميه تانى ويطرح الكميه القديمه من الجديده ويلاحظ الفرق لو كان الفرق 15 ميجا يبقى وقتها العميل بيحمل او بيشاهد اونلاين لان استحاله يكون تصفح فى الوقت دا يسحب 15 ميجا
ساعتها يقوم الكود يشوف كام واحد تخطوا الكميه ويعلم عليهم انهم بيحملوا وياخد ايبي واسم العملاء دىويقسم عليهم كميه التحميل اللى انت محددها بالتساوى

بمعنى انى فى الكود عامل مثلا اقصى كميه تحميل 4 ميجا
وجه 10 عملاء بيحملوا فى نفس الوقت يوم الكود قاسم الاربعه ميجا دول على العشر عملاء ووقتها كل عميل يحمل ب 400 كيلو يعنى 40
طب فرضا ان واحد بس اللى بيحمل ياخد فورا السرعه كامله وهيا 4096

بكده يبقى هنستفيد من اننا نعمل حد اقصى للتحميل من خلال الكود وكمان العملاء تاخدهم بحريه وتحس بفرق حسب الوقت الى شغالين عليه

طبعا لازم مع الكود دا تحديد امتدادات تحميل
اتفضلوا رابط الفايروول
firewall - Download - 4shared - new mind


ودا رابط الكود الخاص بامتدادات التحميل
just download - Download - 4shared - new mind
طيب والناس الى شغاله باي باص لكل الشبكه

اتفضل الكود دا بيحسبها من خلال الهوستس
just download hosts_2 - Download - 4shared - new mind

طيب فلنفرض اننا مش عاوزين نحددها على الامتدادات فقط عاوزين نقسم السرعه بالتساوى على الى ساحبين سرعه دول بس
يبقى الكود دا من غير كود الفاير وول
all traffic - Download - 4shared - new mind

ودا بالنسبه للهوستس لأصحاب الباي باص
all traffic hosts_1 - Download - 4shared - new mind

ودى صوره لمكان وضع اقصى حد التحميل




ودى صوره لصحه نسخ الكود وقت تجربته فى الترمينال



ودى طريقه نسخ الكود فى السكيدوال ويفضل عمل الوقت كل ثلاث دقائق حتى لا تجهد البروسيسور




وفقنا الله واياكم
منقول عن الاخ الفاضل

mahmoud_aboeldahab